• MyPassion
UEFA Avropaşi Ligi
01/01/2001 01:00

Ham oranepe goǯoneri ligi oginde na oçodiney tak̆imepeşi Avrupaşi maçepe ibirinen. 

Trabzonspori huyşa sum maçi dibiru galenepeşkala do sumititi keç̆opu. Dido vrosi var abirunati vrosi keonç̆inu na ibiru maçepe. Jur turi kogolaxtu. Huy do mele Trbzonsporişeni çetiniti iasen, k̆olaiti. Muşeni çetini iasen? Jinşi ext̆aşa extay dido vorsi na ibiran k̆ap̆et̆i t̆ak̆imepe nagasen do himuşeni. Muşeni k̆olai aasen? Goǯope na uonurt̆u malazut̆e futbolcepe ogzalu, kogamaçu do jur-sum tane kianaşi çinaperi vorsi futbolcepe komoyonu: Jose Bosingwa, Florent Malouda. 

Hiniti caganen ǯo na eç̆opey ağani futbolcepe do goǯonerepe k̆atepe nişişk̆ala ok̆inebani vorsi t̆ak̆imi iasen, haşo vimedam. Trabzonspori guri na meçamanpeti hişo imedaman. Goǯoşuk̆ule dido şeepe goinkturu Trabzonsporişi doloxe. Em cin na celaxen Başkanişa em tudeni k̆oçişa cinkturusteri. Himuşeni Trabzonspori mʒikat ora unk̆oy. Trabzonsporişeni şuri do guri na meçamanpe hişo xesap̆uman do hişo imedaman. Turkieşi muti t̆ak̆imepe dobadona do gale xarki takimepeşk̆ala na ibiranen maçepe Ğormoti ek̆uşvelay.

Ridvan Özkurt

İrfan Çağatay Aleksishi - irfancagatay@hotmail.com


Facebook'ta Paylaş