• MyPassion
Lazuri Nenaşi Dokumantasyoniş Proje
01/01/2001 01:00

2011-şi ǯanas Ingilteres na gedgin do Londraş Universites menʒxveri Oriantaluri do Afrik̆anuri Oçalişupeş Mektebi (SOAS) do Max Planck Institutes (Munixi) Dr. René Lacroixş direkt̆orobate na gyoç̆k̆udort̆un jur ǯaneri A pan-dialectal documentation of Laz (Lazuri nenaşi mtel-dialekt̆epeşi dokumantasyoni) coxoni proje keinç̆inu. Projeşeni oşi do oşi saati xoma do videope doliç̆arinu. Ham doloç̆arelepeşi 50 saati k̆onari muşi ham adresis gezĭt̆asen: http://elar.soas.ac.uk/. Na ok̆oxtu doloç̆arelepeşi 5 saati k̆onariti dinç̆arinu do gramat̆ik̆uli analizepe dixeninuşk̆ule jin molaşineri adresis geidvasen.

Projeşeni Xopaşen Atinaşa, Sarpi do Duzce-Sapanca-Yalovaşakis Lazuri nena na isinapinen oput̆epes  kogoixtinu do Batumur-Beğlevanuri, Çxaluri, Orç̆uri, Z̆ğemurist̆eri dido dialekt̆epe kodoliç̆arinu. Nanaşnena çkunişeni dido becit̆i na ren ham projete Lazuri nenaş jin oçalişu guris na uğunan nenaşmaçkinalepek oçalişoni materyalepe z̆iranen. Projeşi site online rt̆asen do abone na ivanen Lazepe, nenaşmaçkinalepe do akademisyenepes amalanen.

İrfan Çağatay Aleksishi - irfancagatay@hotmail.com


Facebook'ta Paylaş