• MyPassion
LAZURI AMBAREPE
01/01/2001 01:00

21 Ǯana Ǯoxlenuri ar Lazuri Svaruli

1992-şi Maisis Almanyas “Lazuri Ambarepe”-ş maartani numera kogamaxtudoren. Hem oras ma ar Viǯuri Lazik̆ala mteli Lazuri nenaten dop̆ç̆arit. Geç̆k̆apuri Latinur do Kortuli alfabeten ç̆areri rt̆u:

“Ham mcveşi, ham mskva nenaşeni p̆ç̆araten! Xoloti Lazuri ar k̆oçiş var, mtel Lazepeş dulya ren! Nʒas ar didi muruʒxi bz̆iromt: Lazepeşi nena! Ğormotis unonna, Lazuri nena var ğurasen, var gondunasen!” Ǯanape golilu, ala ham nenaş mtinoba kodoskidu.

Vit̆ojur but̆k̆as haşoneri ambai ok̆itxoni rt̆u:

● “Lazuri Ambarepe” muşeni p̆ç̆arumt?  

● Osman T̆amt̆ruli „Nananena“ 

● F. Mtanebiva (Fahri Kahraman) „Ç̆ink̆a“. Dido k̆ay dulya ren Lazur mitolojişeni.

● Bedia Lebaş (Selma Koçivaş) şiiri „Lazuri Nusa“  

● Yaşari Turna: Ar didi Lazi doğuru. 

● Lazuri Alfabe.

Majurani numera muşeni var gamaxtu? 

Hem oras Lazepes dido aşkurines. Burgilişi menceli do şvela var muxtesşkule dulya diçodu. Ala ham svaruli Lazuri nena do k̆ult̆uraşeni k̆ay entxozi rt̆u.

Wolfgang Feurstein

İrfan Çağatay Aleksishi - irfancagatay@hotmail.com


Facebook'ta Paylaş