• MyPassion
Kamiletis “Taşlıkaya HES”-iş Proje
01/01/2001 01:00

Arkabişi Kamiletiş Ğalis “Taşlıkaya HES-iş proje” na goǯos kogyoç̆k̆u. Arkaburepek HES-s goladginuşeni mitingepe do protestope dovesnati proje kogyoç̆k̆u do projeş gurişeni Kamiletiş ğalişi Menç̆una do jileni juri k̆eleni ncalepe ek̆vatinus kogeiç̆k̆u. Sondajişeni ixenen-ya, na tkves gza, sondajişeni var do regulatori na gedganen svaşa na ulun ignapuşkule akt̆ivist̆epek şikyaeti doğodes do gzaş oxenu not̆k̆oçinapes.

 

Na golaptit tutapes, Jurxincis mitingi na ves 500 k̆onari akt̆ivist̆is, Arkabiş belediyeş başkani Coşkun Hekimoğlu (Xeçimişi), AKP noğaş başkani Ufuk Yıldızi, CHP noğaş başkani Musa Ulaşi, noğaş meclisiş ezape Hakkı Aytolani, Erkan Özyazıcı, muxtarepe do siviluri xalk̆iş organizasyonepe mxuci meçes.

İrfan Çağatay Aleksishi - irfancagatay@hotmail.com


Facebook'ta Paylaş