• MyPassion
Erdoğani Arthaşenişa Komoxtu
01/01/2001 01:00

Başbakan Recep Tayip Erdoğanik ar 5 ndğa moşvacu do elacoxuşeni 22 Ağustozis Rizenişa komoxtu. P̆ot̆omyas na ren baba oxori muşis na dodgitu Başbakanik Rizenişi k̆ezape do Ayderis bazi tesisepe gonǯk̆u. Furt̆onas na gedgin turizmiş binaşi ǯoxle ç̆ut̆a ar do mitingi na vu Başbakanis, Suriye do Misiris sum ǯanaşen doni na ren k̆aosi do sivilepeşi ğuraşeni Art̆aşenurepes xvama ak̆vandu. Mitingis "Si Mazlumepe, yetimepe gaoropen, Şk̆uti Si Maoropenan" na nç̆arun Lazuri pank̆art̆epe goinǯk̆u.

Başbakanik Ayderişa elulurt̆uşati dodgitu do abcas çxomiş ǯip̆iape kodolvoxunu. Ayderis na gedgin Kaçkar Resort Otelişi gonǯk̆umuşa na idu Başbakanik, “Ayderi yaturumepete do ostulinuş tesisepete Davosişi alternativi p̆aten!”-ya tku.

İrfan Çağatay Aleksishi - irfancagatay@hotmail.com


Facebook'ta Paylaş