• MyPassion
Arthaşeni-GSK Avropaşa gamaxtasen!
01/01/2001 01:00

Art̆aşenuri hendbolişi profosyoneli oxorzaluri t̆ak̆imi Avropaşa gamaxtasen. 

Oxorzaluri Super-Ligişi borgo na ren Art̆aşenuri GSK (Ardeşen Gençlik ve Spor Kulübü) Turkiyeşi coxote na isterasen, Avropanuri Challengeişi Kupaşi takvimi belli diu.

Avropanuri 25 t̆ak̆imi na ibirasen şampiyanas, Art̆aşeni-GSK-k ligi maotxani na moxtudort̆uşeni şampiyonati maotxani turis gyoç̆k̆asen. Ağustozişi maartani dolonis, Ayderis kamp̆işa na amaxtu t̆ak̆imik, 9-10 t̆axvas, rovanşepeti 16-17 t̆axva 2013-is, masumani turis na ren rakibepe muşi; Issy Paris Hand (Fransa), DHC Sokol Poruba (Çexa), RK Zelina (Xirvatistani),  Galychanka (Ukrayna), H.V. Quintus (Hollanda) do HC BMS Milenium (Sirbistani)-şk̆ala isterasen.

Şampionaşi maotxani turiti 1-2 k̆unduras, do rovanşepe muşiti 9-10 k̆undura 2014-is isterinasen.

Muratpaşa Belediye Sp̆orişe Perihan Topaloğlu do Kübra Şeni, do Fransaşati Echipe Penn-Ar-Bed Brest na gyoz̆in k̆lubişe Ioana Manoilati k̆adro nişişa na amionu Artaşen-GSK-s Avropaşi Şampionobati guris uğun.

İrfan Çağatay Aleksishi - irfancagatay@hotmail.com


Facebook'ta Paylaş