• MyPassion
ÇAYKUR-is Grevi Cotçu do var Diçodu
01/01/2001 01:00

TEKGIDA-İŞ yoxoni sendik̆ak, 22 ap̆rilis ÇAYKUR-is grevis kocoç̆u. ÇAYKUR-is na içalişams madulyepeşi xak̆epe ovrosanuşeni na coç̆u grevi, coç̆u do var nik̆vatu. Didope muşi sezonuri mçalişupe na on vit şilya madulye do hinişi lamlepe xvala var, mteli çaişi maxaçkalepe na nak̆ixen ham grevis ÇAYKUR-işi tarixis ilki fara rt̆u. Ama madulyepek mxuci na va meçesşeni grevi 24 ap̆rilis na coç̆usteri uneneli diçodu. 

ÇAYKUR-ik grevi mek̆vatuşeni sezonuri madulyepe ordoşa dulyaşa uyoxusis do xolo na içalişams iri madulyepe çaişi mustaxsili ‘gverdi-op̆ut̆arepe’ na onanşeni ÇAYKUR-is na ixenu ip̆t̆ineri grevi xalk̆işeni vorsi ar netice var ak̆azanu.

Arti k̆aleşe, TEKGIDA-İŞ-ik ÇAYKUR madulyepeşi k̆ok̆obğeri na rt̆u sosyaluri meşveluşi paraşe iri madulyeşeni 500 lira meçamus ik̆na dou. Mara 900 madulye na uonun ÖZGIDA-İŞ na cozun sendik̆aşi ‘toplu sözleşme’-şi talebi ÇAYKUR-ik k̆ebuli var u.

ÇAYKUR-is na içalişaman madulyepeşe 1500 şuri xvala k̆adro na uğunanşeni, ar hini xvala grevi axeneran. 

İrfan Çağatay Aleksishi - irfancagatay@hotmail.com


Facebook'ta Paylaş